Blogia
mediapinta

O medo e a ignorancia grandes males da humanidade

<font size=4>O medo e a ignorancia grandes males da humanidade</font >

"Dous anos despois sigo coma mestre no pobo da Nada (...) Este ano preferín empezar as clases contándolhes un conto.



-Hoxe non imos nin ler nin escribir. Falaremos, dialogaremos, como fan os vosos avós cando se sentan baixo á arbore. Vou facervos unha pregunta a xeito de adivinha. Pensade ben antes de responder. Que credes que é para vós o peor do mundo? É dicir, o que provoca as desgrazas, destrúe á xente e converte aos homes en agresivos e perigosos (...)



-A morte!

-No, a morte é a fin natural de calquera vida. Cando ela chega, nós marchamos. E se seguimos aquí é porque ela aínda non chegou. A morte non é algo malo nin bon. É o que é, e mais nada. A morte dun ser querido é intolerável, mas non é o peor do mundo aínda que non poidamos evitala.



-A enfermidade!

-A enfermidade pode ser terrível e provocar un sufrimento insoportável, mas tamén pode curarse. A medicina e a ciencia non deixan de progresar.



-A fame!

-Si, mas non é unha fatalidade. (...) Poden facerse moitas cousas contra a fame. No noso povo hai sequía. Mas tamén sabemos que os países ricos envían á capital milho e arroz, e a nós esa axuda non nos chega. A fame é algo horrível e intolerável, mas ten solución.



-Por que o milho e o arroz que envían os países ricos non nos chega?

-Porque o ser humano é egoísta e inxusto. Dicide, pois, que é o peor do mundo...? (...)

-O peor do mundo é a guerra!

-Si, mas hai algo que a provoca, que a crea, que a estende...

-O odio!

-Non é dabondo; podemos odiar sen necesidade de desencadear unha guerra. Non todos os soldados odian ao inimigo. O odio é un sentimento malo, a miúdo fai dano, é a outra vertente do amor.



-O medo!

-O medo é humano. Non é agradábel, mas non é o peor do mundo. (...)

-A escravitude!

-Si, o peor do mundo autoriza a escravitude, forma parte dela. Como vos dixen hai tempo, xa non existe, foi abolida no mundo aínda que subsiste doutra forma. Lembrádesvos da fábrica de zapatos?



-A inxustiza!

-Forma parte desa cousa horrível....

-A traizón!

-Tamén é consecuencia do peor do mundo...

-A mentira!

-Por aí, por aí é por onde empeza. Xa case acertastes.

-A maldade!

-Coa maldade ocorre como coa traizón. Un é malo porque esa cousa horríbel empúxanos a iso.

-Roubar!

-É un vicio, é como a enfermidade, mas cúrase... ou castígase.

-O racismo!

-Quente, quente! O racismo baséase niso para se manifestar.

-A estupidez!

-Non, un pode non ser intelixente e, poren, non ten por que ser racista nin malo.

-Entón, senhor, que é o peor do mundo? –preguntan todos á vez.

-O peor do mundo non é a morte, nin a enfermidade, nin o medo, senón a ignorancia. (...) A ignorancia é a nai de todos os males. (...) A ignorancia a miúdo vai acompanhada de arrogancia e fanatismo...



-Que é arrogancia e fanatismo?

-A arrogancia é a insolencia, a pretensión e o desprezo. Arrogante é quen esixe, con forza e insistencia, algo que non lhe corresponde, que non lhe pertence. É propria dos ignorantes que cren sabelo todo. Non duvidan senón que afirman con firmeza calquera cousa, son fanáticos, é dicir, xente que non acepta mais ideas que as deles...



Os meus alumnos míranme, sorprendidos, como se agardasen novas revelacións.

-A ignorancia é a que frea o conhecemento, impide o desenvolvemento da curiosidade, afasta aos homes, crea fronteiras e provoca catástrofes, como a guerra, as matanzas, o racismo.



Alguén ergue a man; é Aicha:

-Eu creo que o peor do mundo é non ocuparse da xente, non ir velos, non falar con eles nin axudalos..., deixalos sós, coma o noso povo ao que ninguén quere vir.



-Iso chámase indiferencia.

-Indiferencia, unha palabra nova que porei xunto a ignorancia."


N’achetez pas la sang des enfants, de Tahar Ben Jelloun en dias estranhos

Abu Mazen será o primeiro dirixente palestino que nunca vestíu un traxe militar nin nunca empuñou unha arma.
¿Y esta publicidad? Puedes eliminarla si quieres
¿Y esta publicidad? Puedes eliminarla si quieres

1 comentario

Jiménez Espantos -

Es usted irremediable. No sólo tiene la desfachatez de escribir en ese dialecto separatista gallego sino que da credibilidad a esa pantomima de elecciones.

Debería poner más empeño en empezar a pensar más por sí mismo que en seguir las consignas de tanto gurú facharrojo e islamoprogre.
¿Y esta publicidad? Puedes eliminarla si quieres